थौं ने.सं. ११२७ पोहेलागा आमाई (माघ ५ गते) शुक्रवाः कुन्हु पूर्वघोषित ज्याझवः कथं यलया थीथी क्षेत्रं प्रतिनिधित्व यानादीपिं व्यक्तित्वपिनिगु उपस्थिती “स्वशासनया निंतिं नेवाः गणतान्त्रिक मोर्चा यल कचा” या गठन जूगु जुल । मोर्चाया केन्द्रिय न्वकू भाजु जुलुमलाल चित्रकारया नायोसुई जूगु थुगु ज्याझवलय् केन्द्रिय न्वकू नापं संगठन कवःया कजि भाजु डा. महेशमान श्रेष्ठ, केन्द्रिय मूछ्यान्जे भाजु राजभाई जकःमि, केन्द्रिय दांभरि भाजु सुरेश प्रधान, केन्द्रिय छ्यान्जे भाजु किरण शाक्यजुपिनिपाखे मोर्चाया आवश्यकता व अवधारणाया वारे उपस्थित सभाय् ध्वाथुइकेगु ज्या जूगु खः । उपस्थित सकलसियां मोर्चाया वारे थःथःपिन्त ताःगु न्ह्यसः नापं जिज्ञासा तयादीगु खः व सहभागिपिनिगु न्ह्यसः व जिज्ञासाया लिसः व मोर्चाया वारे थप जानकारि केन्द्रिय पदाधिकारिपिसं वियादीगु खः । मोर्चाया वारे ब्याक्कं सहलह ब्याकेधुंका सहभागि सकलसियां र्सवसम्मतं ११म्ह सिया यल कचा स्वनेगु निर्णय याःगु खः । गुकी क्वय्च्वया कथंया ८ (च्याम्ह) व मेपिं ल्यंपिं लिपाहाकनं तनेकथं जुल ।

१ भाजु ऋषिप्रसाद श्रेष्ठय - कजि
२ भाजु भाजुरत्न शाक्य - दुजः
३ भाजु मंगल महर्जन - दुजः
४ मय्जु मिलन शाक्य - दुजः
५ भाजु मदन महर्जन - दुजः
६ भाजु महेन्द्रमान शाक्य - दुजः
७ भाजु वावुराजा वज्राचार्य - दुजः
८ भाजु अर्जुन महर्जन - दुजः

नापं यलय् कृयाशील राजनैतिक पार्टीपिं नाप सहलह ब्याकालि मोर्चाया यल कचाया सल्लाहाकार जुयादीत इनाप यायेगु नापं केन्द्रियस्तरय् नं ८ (च्यागु) दलया घटक पिनिगु प्रतिनिधित्व दइ कथं या संरचनाया निर्माण यायेत इनाप यायेगु खँ क्वःज्यूगु जुल ।